四種劫(kappa)

1. 壽元劫, āyukappa.
2. 小劫, asaṅkheyyakappa.
3. 中劫, antarakappa.
4. 大劫, mahākappa.

NaUyana Aranya Morning Chanting 龍樹禪林 早課

Namo Tassa Bhagavato Arahato Sammāsambuddhassa. (x3)

Ārādhanā

Yāvatā Bhagavā loke, tiṭṭheyya tava sāsanaṃ,

tāvatā patigaṇhātu, pūjā lokānukampayā.

Padipa pūjā

Gandha-telappadittena, dīpena tama dhaṃsinā,

tiloka-dīpaṃ Sambuddhaṃ, pūjayāmi tamo-nudaṃ.

Sugandha Pūjā

Sugandhi-kāya-vadanaṃ, anata-guṇa-gandhinaṃ,

Sugandhinā'haṃ gandhena, pūjayāmi Tathāgataṃ.

Pānīya Pūjā

Sugandhaṃ sītalaṃ kappaṃ, Pasanna-madhuraṃ subhaṃ,

Pānīyaṃ etaṃ Bhagavā, patigaṇhātumuttama.

Pānaka Pūjā

Adhivāsetu no Bhante, Pānaka parikappitaṃ,

Anukampaṃ upādāya, patigaṇhātumuttama.

Puppha Pūjā

Nirodha-samāpattito vuṭṭhahitvā viya nisinnaṁ Bhagavantaṁ,

Arahantaṁ Sammā-sambuddhaṁ iminā pupphena pūjemi,pūjemi,pūjemi.

Ayaṁ puppha-pūja

Buddha-pacceka-buddha-agga-sāvaka-mahā-sāvaka-arahantādīnaṁ sabhāva-sīlam. Aham'pi tesaṁ anuvattako homi.

Idaṁ pupphaṁ idāni vaṇṇena'pi suvaṇṇaṁ gandhena'pi

sugandhaṁ saṇṭhānena'pi susaṇṭhānaṁ.

Khippam•eva dubbaṇṇaṁ duggandhaṁ dussaṇṭhānaṁ aniccataṁ pāpuṇissati.

Evam•eva kho sabbe saṅkhārā aniccā,

sabbe saṅkhārā dukkhā,

sabbe dhammā anattā'ti.

Buddha Vandanā

Iti'pi so Bhagavā, arahaṃ, sammāsambuddho,

vijjācaraṇa-sampañño, sugato, lokavidū, anuttaro purisadammasārathi,

satthā devamanussānaṃ, buddho, bhagavā'ti.

Buddhaṃ jīvita-pariyantaṃ saraṇaṃ gacchāmi.

Ye ca buddhā atītā ca,

ye ca buddhā anāgatā,

paccuppannā ca ye buddhā,

ahaṃ vandāmi sabbadā.

N'atthi me saraṇaṃ aññaṃ,

Buddho me saraṇaṃ varaṃ.

etena sacca-vajjena,

hotu me jaya-maṅgalaṃ.

Uttamaṅgena vande'haṃ,

pada-paṃsu-varuttamaṃ;

buddhe yo khalito doso,

buddho khamatu taṃ mamaṃ.

Dhamma Vandanā

Svākkhāto bhagavatā dhammo, sandiṭṭhiko, akāliko,

ehipassiko, opanayiko, paccattaṃ veditabbo viññūhī'ti.

Dhammaṃ jīvita-pariyantaṃ saraṇaṃ gacchāmi.

Ye ca dhammā atītā ca, ye ca dhammā anāgatā,

paccuppannā ca ye dhammā, ahaṃ vandāmi sabbadā.

N'atthi me saraṇaṃ aññaṃ,

Dhammo me saraṇaṃ varaṃ.

etena sacca-vajjena,

hotu me jaya-maṅgalaṃ.

Uttamaṅgena vande'haṃ,

dhammaṃ ca tividhaṃ varaṃ;

dhamme you khalito doso,

dhammo khamatu taṃ mamaṃ.

Saṅgha Vandanā

Supaṭipanno bhagavato sāvakasaṅgho, ujupaṭipanno bhagavato sāvakasaṅgho, ñāyapaṭipanno bhagavato sāvakasaṅgho, sāmīcipaṭipanno bhagavato sāvakasaṅgho; yadidaṃ: cattāri purisayugāni aṭṭha purisapuggalā, esa bhagavato sāvakasaṅgho; āhuneyyo, pāhuneyyo, dakkhiṇeyyo, añjalikaraṇīyo, anuttaraṃ puññakkhettaṃ lokassā'ti.

Saṅghaṃ jīvita-pariyantaṃ saraṇaṃ gacchmi.

Ye ca saṅghā atītā ca, ye ca saṅghā anāgatā,

paccuppannā ca ye saṅghā, ahaṃ vandmi sabbadā.

N'atthi me saraṇaṃ aññaṃ,

Saṅgho me saraṇaṃ varaṃ.

etena sacca-vajjena,

hotu me jaya-maṅgalaṃ.

Uttamaṅgena vande'haṃ,

sagha ca tividhaṃ varaṃ;

saghe yo khalito doso,

sagho khamatu taṃ mamaṃ.

Ratanattaya Vandanā

Buddha dhammā ca Pacceka Buddha Saṅghā ca sāmikā,

Dāso vāhasmi metesaṁ – guṇaṁ thātu sire sadā.

Tisaranaṁ tilakkhaṇūpekkhaṁ – Nibbānamantimaṁ,

Suvande sirasā niccaṁ – labhāmi tividhā mahaṁ.

Buddhe sakarune vande – Dhamme pacceka sambuddhe,

Saṅghe ca sirasā yeva – tidhā niccaṁ namāmahaṁ,

Namāmi sattunovādappamāda vacanantimaṁ,

Sabbe pi cetiye vande upajjhā cariye mamaṁ,

Myhaṁ panāma tejena – cittaṁ pāpehi muccatanti.

Cuddasa Buddhañāṇāni

Dukkhe ñāṇaṃ Buddha ñāṇaṃ,

Dukkhasamudaye ñāṇaṃ Buddha ñāṇaṃ,

Dukkhanirodhe ñāṇaṃ Buddha ñāṇaṃ,

Dukkhanirodhagāminipaipadāya ñāṇaṃ Buddha ñāṇaṃ;

Attha-paṭisambhide ñāṇaṃ Buddha ñāṇaṃ,

Dhamma-paṭisambhide ñāṇaṃ Buddha ñāṇaṃ,

Nirutti-paṭisambhide ñāṇaṃ Buddha ñāṇaṃ;

Paṭibhāna-paṭisambhide ñāṇaṃ Buddha ñāṇaṃ,

Indriya-paropariyatte ñāṇaṃ Buddha ñāṇaṃ,

Sattānaṃ āsayānusaye ñāṇaṃ Buddha ñāṇaṃ,

Yamaka pāṭihāriye ñāṇaṃ Buddha ñāṇaṃ,

Mahākaruṇā samāpattiyā ñāṇaṃ Buddha ñāṇaṃ,

Sabbaññuta ñāṇaṃ Buddha ñāṇaṃ,

Anāvarana ñāṇaṃ Buddha ñāṇaṃ'ti.

Imāni cuddasa Buddha ñāṇāni.

Imesaṃ aṭṭha ñāṇāni sāvaka sādhāraṇāni,

cha ñāṇāni asādhāraṇāni sāvakehi.

Imehi cuddasa Buddha ñāṇehi samannāgataṃ

Sammāsambuddhaṃ bhagavataṃ sirasā namāmi.

Sattasattati Ñāna Vatthuni

1.Jāti paccayā jarā maraṇanti ñāṇaṃ; asati jātiyā natthi jarā maraṇanti ñāṇaṃ.

Atītampi addhānam jāti paccayā jarā maraṇanti ñāṇaṃ;

asati jātiyā natthi jarā maraṇanti ñāṇaṃ.

Anāgatampi addhānam jāti paccayā jarā maraṇanti ñāṇaṃ;

asati jātiyā natthi jarā maraṇanti ñāṇaṃ.

Yampissa tam dhammatthiti ñāṇaṃ tampi khaya dhammaṁ,

vaya dhammaṁ, virāga dhammaṁ, nirodha dhammanti ñāṇaṃ.

2.Bhava paccayā jāti'ti ñāṇaṁ; asati bhavasmiṁ natthi jāti ti ñāṇaṁ.

Atītampi addhānam bhava paccayā jāti ti ñāṇaṃ;

asati bhavasmiṁ natthi jāti'ti ñāṇaṃ.

Anāgatampi addhānam bhava paccayā jāti ti ñāṇaṃ;

asati bhavasmiṁ natthi jāti'ti ñāṇaṃ.

Yampissa tam dhammatthiti ñāṇaṃ tampi khaya dhammaṁ,

vaya dhammaṁ, virāga dhammaṁ, nirodha dhammanti ñāṇaṃ.

3.Upādāna paccayā bhavo'ti ñāṇaṁ; asati upādānasmiṁ natthi bhavo'ti ñāṇaṁ.

Atītampi addhānam upādāna paccayā bhavo'ti ñāṇaṃ;

asati upādānasmiṁ natthi bhavo'ti ñāṇaṃ.

Anāgatampi addhānam upādāna paccayā bhavo'ti ñāṇaṃ;

asati upādānasmiṁ natthi bhavo'ti ñāṇaṃ.

Yampissa tam dhammatthiti ñāṇaṃ tampi khaya dhammaṁ,

vaya dhammaṁ, virāga dhammaṁ, nirodha dhammanti ñāṇaṃ.

4.Taṇhā paccayā upādānanti ñāṇaṁ; asati taṇhāya natthi upādānanti ñāṇaṁ.

Atītampi addhānam taṇhā paccayā upādānanti ñāṇaṁ;

asati taṇhāya natthi upādānanti ñāṇaṁ.

Anāgatampi addhānam taṇhā paccayā upādānanti ñāṇaṁ;

asati taṇhāya natthi upādānanti ñāṇaṁ.

Yampissa tam dhammatthiti ñāṇaṁ tampi khaya dhammaṁ,

vaya dhammaṁ, virāga dhammaṁ, nirodha dhammanti ñāṇaṁ.

5.Vedanā paccayā taṇhā ti ñāṇaṁ; asati vedanāya natthi tanhāti ñāṇaṁ.

Atītampi addhānaṁ vedanā paccayā taṇhā ti ñāṇaṁ; asati vedanāya natthi; taṇhā'ti ñāṇaṁ.

Anāgatampi addhāṇaṁ vedanā paccayā taṇhāti ñāṇaṁ; asati vedanāya natthi taṇhāti ñāṇaṁ,

Yampissa taṁ dhammaṭṭhiti ñāṇaṁ tampi khaya dhammaṁ vaya dhammaṁ, virāga dhammaṁ, nirodha dhammanti ñāṇaṁ.

6.Phassa paccayā vedanā'ti ñāṇaṁ; asati phassasmiṁ natthi vedanāti ñāṇaṁ.

Atītampi addhānaṁ phassa paccayā vedanāti ñāṇaṁ, asati phassasmiṁ natthi vedanāti ñāṇaṁ.

Anāgatampi addhānaṁ phassa paccayā vedanāti ñāṇaṁ; asati phassasmiṁ natthi vedanā'ti ñāṇaṁ.

Yampissa tam dhammaṭṭhiti ñāṇaṁ, tampi khaya dhammaṁ, vaya dhammaṁ, virāga dhammaṁ nirodha dhammanti ñāṇaṁ.

7.Saḷāyatana paccayā phassoti ñāṇaṁ; asati saḷāyatanasmiṁ natthi phasso'ti ñāṇaṁ. Atītampi addhānaṁ saḷāyatana paccayā phasso'ti ñāṇaṁ; asati saḷāyatanasmiṁ natthi phasso'ti ñāṇaṁ.

Anāgatampi addhānaṁ saḷāyatana paccāya phasso'ti ñāṇaṁ, asati saḷāyatanasmiṁ natthi phasso'ti ñāṇaṁ.

Yampissa taṁ dhammaṭṭhiti ñāṇaṁ, tampi khaya dhammaṁ, vaya dhammaṁ, virāga dhammaṁ, nirodha dhammanti ñāṇaṁ.

8.Nāmarūpa paccayā saḷāyatananti ñāṇaṁ; asati nāmarūpasmiṁ natthi saḷāyatananti ñāṇaṁ.

Atītampi addhānam nāma rūpa paccayā saḷāyatananti ñāṇaṁ, asati nāmarūpasmiṁ natthi saḷāyatananti ñāṇaṁ.

Anāgatampi addhānaṁ nāmarūpa paccayā saḷāyatananti ñāṇaṁ; asati nāmarūpasmiṁ natthi saḷāyatananti ñāṇaṁ; asati āmarūpasmiṁ natthi saḷāyatananti ñāṇaṁ.

Yampissa taṁ dhammaṭṭhiti ñāṇaṁ, tampi khaya dhammaṁ, vaya dhammaṁ, virāga dhammaṁ, nirodha dhammanti ñāṇaṁ.

9.Viññāṇa paccayā nāmarūpanti ñāṇaṁ; asati viññānasmiṁ natthi nāmarūpanti ñāṇaṁ.

Atītampi addhānam viññāṇa paccayā nāmarūpanti ñāṇaṁ, asati viññānasmiṁ natthi nāmarūpanti ñāṇaṁ.

Anāgatampi addhānaṁ viññāṇa paccayā nāmarūpanti ñāṇaṁ, asati viññānasmiṁ natthi nāmarūpanti ñāṇaṁ.

Yampissa taṁ dhammaṭṭhiti ñāṇaṁ, tampi khaya dhammaṁ, vaya dhammaṁ, virāga dhammaṁ, nirodha dhammanti ñāṇaṁ.

10.Sankhāra paccayā viññāṇanti ñāṇaṁ; asati sankhāresu natthi viññāṇanti ñāṇaṁ.

Atītampi addhānam sankhāra paccayā viññāṇanti ñāṇaṁ; asati sankhāresu natthi viññāṇanti ñāṇaṁ.

Anāgatampi addhānaṁ sankhāra paccayā viññāṇanti ñāṇaṁ; asati sankhāresu natthi viññāṇanti ñāṇaṁ.

Yampissa taṁ dhammaṭṭhiti ñāṇaṁ, tampi khaya dhammaṁ, vaya dhammaṁ, virāga dhammaṁ, nirodha dhammanti ñāṇaṁ.

11.Avijjā paccayā sankhārati ñāṇaṁ; asati avijjāya natthi sankhāra'ti ñāṇaṁ.

Atītampi addhānam avijjā paccayā sankhārati ñāṇaṁ; asati avijjāya natthi sankhāra'ti ñāṇaṁ.

Anāgatampi addhānaṁ avijjā paccayā sankhārati ñāṇaṁ; asati avijjāya natthi sankhāra'ti ñāṇaṁ.

Yampissa taṁ dhammaṭṭhiti ñāṇaṁ, tampi khaya dhammaṁ, vaya dhammaṁ, virāga dhammaṁ, nirodha dhammanti ñāṇaṁ.

Imāni satta sattati ñāṇani. Imehisatta sattatiyā ñānehi samaññāgataṁ. Sammāsambuddhaṁ Bhagavantaṁ sirasā ñāmāmi.

Homage to the Buddha's Four Sacred Places

Māyā-suto Sugata-sākiya-sīha-nātho,

Jātakkhaṇe sapadasā'va'bhisaṅkamītvā,

Yasmiṁ udīrayi giraṁ vara-lumbinimhi,

Taṁ jāta-cetiyam•ahaṁ sirasā namāmi.

Yasmiṁ nisajja vajirāsana-bandhanena,

Jetvā savāsana-kilesa-balaṁ munindo,

Sambodhi-ñāṇām•avagamma vihāsi sammā,

Taṁ Bodhi-cetiyam•ahaṁ sirasā namāmi.

Sankampayaṁ dasa-sahassiya-loka-dhātuṁ,

Desesi yatra Bhagavā vara-dhamma-cakkaṁ,

Bārāṇasī pura-samīpa-vane migānaṁ,

Taṁ Dhamma-cetiyam•ahaṁ sirasā namāmi.

Katvāna loka-hitam•atta-hitañ•ca nātho,

Asītiko'va Upavattana-kānanam'pi,

Yasmim nipajja gatavā nirupādi-sesaṁ,

Nibbāna-cetiyam•ahaṁ sirasā namāmi.

Karaṇīya Metta Suttaṃ

Karaṇīyamatthakusalena,

yaṃtaṃ santaṃ padaṃ abhisamecca:

sakko ujū ca sūjū ca, suvaco c'assa mudu anatimānī;

Santussako ca subharo ca, appakicco ca sallahukavuttī,

santindriyo ca nipako ca, appagabbho kulesu ananugiddho.

Na ca khuddaṃ samācare kiñci, yena viññū pare upavadeyyuṃ.

sukhino vā khemino hontu, sabbe sattā bhavantu sukhitattā.

Ye keci pāṇabhūt'atthi tasā vā thāvarā vā anavasesā,

dīghā vā ye mahantā vā, majjhamā rassakāṇukathūlā;

Diṭṭhā vā yeva addiṭṭhā, ye ca dūre vasanti avidūre,

bhūtā vā sambhavesī vā, sabbe sattā bhavantu sukhitattā.

Na paro paraṃ nikubbetha, nātimaññetha katthaci naṃ kañci;

byārosanā paṭighasaññā, nāññamaññassa dukkhamiccheyya.

Mātā yathā niyaṃ puttaṃ, āyusā ekaputtamanurakkhe;

evam'pi sabbabhūtesū, mānasaṃ bhāvaye aparimānaṃ.

Mettaṃ ca sabbalokasmiṃ, mānasaṃ bhāvaye aparimānaṃ,

uddhaṃ adho ca tiriyañca, asambādhaṃ averaṃ asapattaṃ.

Tiṭṭhaṃ caraṃ nisinno vā, sayāno vā yāvatassa vigatamiddho,

etaṃ satiṃ adhiṭṭheyya, brahmametaṃ vihāraṃ idhamāhu.

Diṭṭhiñca anupagamma, sīlavā dassanena sampanno,

kāmesu vineyya gedhaṃ, nahi jātu gabbhaseyyaṃ punaretī'ti.

Etena sacca-vajjena, sotthi te hotu sabbadā.(x3)

Mora Paritta

Udetayañcakkhumā eka-rājā,

harissa-vaṇṇo paṭhavippabhāso.

Taṃ taṃ namassāmi harissa-vaṇṇaṃ paṭhavippabhāsaṃ,

tayajja guttā viharemu divasaṃ.

Ye brāhmaṇā vedagu sabba-dhamme,

te me namo, te ca maṃ pālayantu.

Namatthu buddhānaṃ, namatthu bodhiyā.

namo vimuttānaṃ, namo vimuttiyā.

Imaṃ so parittaṃ katvā,

moro carati esanā.

Caturarakkha Bhāvanā

Ahaṁ avero homi, abyāpajjho homi. Anīgho homi, sukhi attānaṃ pariharāmi.

Ahaṁ viya myham ācariyupajjhāyā mātā pitaro, hita sattā majjhattika sattā, veri sattā,

averā hontu, abyāpajjā hontu, anīghā hontu, sukh attānaṃ pariharantu,

dukkhā muccantu, yathā laddha sampattito mā vigacchantu, kammassakā.

Imasmim vihāre, imasmim gocara gāme, imasmim nagare, imasmim Lankādīpe,

imasmim Jambudīpe, imasmim cakkavāle, issarajanā sīmatthaka devatā sabbe sattā,

averā hontu, abyāpajjhā hontu, anīghā hontu, sukhi attānaṃ pariharantu,

dukkhā maccantu, yathā laddha sampattito mā vigacchantu, kammassakā.

Puratthimāya disāya, dakkhiṇāya disāya, pacchimāya disāya, uttarāya disāya.

Puratthimāya anudisāya, dakkhiṇāya, anudisāya pacchimāya anudisāya, uttarāya anudisāya, heṭṭhimāya disāya, uparimāya disāya.

Sabbe sattā, sabbe pānā, sabbe bhutā, sabbe puggalā, sabbe attabhāva pariyāpannā, sabbā itthiyo sabbe purisā sabbe ariyā, sabbe anariyā, sabbe devā, sabbe manussā, sabbe vinipātikā, averā hontu, abyāpajjhā hontu, anghā hontu, sukh attānam pariharantu, dukkhā muccantu, yathā laddha sampattito mā vigacchantu, kammassakā.

Buddhānussati Bhāvanā

Buddhānussati mettā ca,

asubhaü maraõassati;

Iti imā caturārakkhā,

bhikkhu bhāveyya sīlavā.

Anantavitthāraguõaü,

guõatonussaraü muniü;

Bhāveyya buddhimā bhikkhū,

buddhānussatimādito.

Savāsane kilese so,

eko sabbe nighātiya;

Ahū susuddha santāno,

pūjānaü ca sadāraho.

Sabbakālagate dhamme,

sabbe sammāsayaü muni;

Sabbākārena bujjhitvā,

eko sabbaññutaü gato.

Vipassanādi vijjāhi,

sīlādi caraõehi ca;

Susamiddhehi sampanno,

gaganābhehi nāyako.

Sammāgato subhaü ñhānaü,

amoghavacano ca so;

Tividhassāpi lokassa,

ñātā niravasesato.

Anekehi guõoghehi,

sabbasattuttamo ahū;

Anekehi upāyehi,

naradamme damesi ca.

Eko sabbassa lokassa,

sabba sattānusāsako;44

Bhāgya issariyādīnaü,

guõānaü paramo nidhī.

Paññāssa sabbadhammesu,

karuõā sabbajantusu;

Attatthānaü paratthānaü,

sādhikā guõajeññhikā.

Dayāya pāramī citvā,

paññāyattānam-uddharī;

Uddharī sabbadhamme ca,

dayāyaññe ca uddharī.

Dissamāno’pi tāvassa,

rūpakāyo acintiyo;

Asādhāraõa ñānaóóhe,

dhammakāye kathā vakā’ti.

Mettā Bhāvanā

Attūpamāya sabbesaü,

sattānaü sukhakāmataü;

Passitvā kamato mettaü,

sabbasattesu bhāvaye.

Sukhī bhaveyyaü niddukkho,

ahaü niccaü, ahaü viya;

Hitā ca me sukhī hontu,

majjhattā’tha ca verino.

Imamhi gāmakkhettamhi,

sattā hontu sukhī sadā;

Tato parañca rajjesu,

cakkavāëesu jantuno.

Samantā cakkavāëesu,

sattānantesu pāõino;

Sukhino puggalā bhūtā,

attabhāvagatā siyuü.

Tathā itthī pumā ceva,

ariyā anariyā’pi ca;

Devā narā apāyaññhā,

tathā dasadisāsu cā’ti.

Asubhā Bhāvanā

Aviññāõasubha nibhaü,

saviññāõasubhaü imaü;

Kāyaü asubhato passaü,

asubhaü bhāvaye yatī.

Vaõõasaõñhānagandhehi,

āsay’okāsato tathā;

Pañikkūlāni kāye me,

kuõapāni dvisoëasa.

Patitamhāpi kuõapā,

jegucchaü kāyanissitaü;

Ādhāro hi’sucī tassa,

kāye tu kuõape ñhitaü.

Miëhe kimiva kāyo’yaü,

asucimhi samuññhito;

Anto asucisampuõõo,

puõõa vaccakuñī viya.

Asucisandate niccaü,

yathā medakathālikā;

Nānākimikulā vāso,

pakkhacandanikā viya.

Gaõóabhūto rogabhūto,

vaõabhūto samussayo;

Atekicchoti jeguccho,

pabhinna kuõapūpamo’ti.

Maraṇānussati Bhāvanā

Pavātadīpa tulyāya,

sāyusantatiyākkhayaü;

Parūpamāya sampassaü,

bhāvaye maraõassatiü.

Mahāsampatti sampattā,

yathā sattā matā idha;

Tathā ahaü marissāmi,

maraõaü mama hessati.

Uppattiyā sahevedaü,

maraõaü āgataü sadā;

Maraõatthāya okāsaü,

vadhako viya esati.

Īsakaü anivattaü taü,

satataü gamanussukaü;

Jīvitaü udayā atthaü,

suriyo viya dhāvati.

Vijju bubbula ussāva,

jalarājī parikkhayaü;

Ghātako v’aripūtassa,

sabbatthā’pi avāriyo.

Suyasatthāma puññiddhī,

buddhi vuddha jinaü cayaü;45

Ghātesi maraõaü khippaü,

kā tu mādisake kathā?

Paccayānañca vekalyā,

bāhirajjhattupaddavā;

Marām’oraü nimesā’pi,

maramāno anukkhaõan’ti.

Āvajjanīya Aṭṭha Mahāsaṃvegavatthu

Bhāvetvā caturārakkhā,

āvajjeyya anantaraü;

Mahāsaüvegavatthūni,

aññha aññhita vīriyo.

Jāti jarā vyādhi cutī apāyā,

atīta appattaka vañña dukkhaü;

Idāni āhāragaveññhi dukkhaü,

saüvegavatthūni imāni aññha.

Pāto ca sāyamapi ceva imaü vidhiñño,

āsevate satatamatta hitābhilāsī;

Pappoti so ti vipulaü hata pāripantho,

seññhaü sukhaü munivisiññhamataü sukhena cā’ti.

Uddisanadhitthanagatha(Good Wishes and The Sharing of Merit)

1. Iminā puñña kammena – upajjhāyā gunuttarā

Acariyāpakārāca mātā pitā piyā mamaṁ.

2. Suriyo candimā rājā – guavantā narā'pi ca

Brahmā Mārā ca Indā ca – lokapālā ca devatā.

3. Yamo mittā manussāca majjhattā verikā'pi ca

Sabbe sattā sukhi hontu puññāni pakatāni me.

4. Sukhaṁ ca tividhaṁ dentu-khippaṁ pāpetha vo mataṁ

Imina puñña kammena iminā uddisena ca

5. Khippā hontu labheceva – taṇhūpādāna chedanaṁ

Ye santāne hinā dhammā – yāva nibbānato mamaṁ

6. Nassantu sabbadā yeva – yattha jāto bhave bhave

Uju citto sati pañño – sallekho viriya vāminā

7. Mārā labhantu nokāsa – kātuṁ ca viriyetu me

Buddho dpavaro nātho – dhammo nātho varuttamo

8. Nātho pacceka sambuddho – sangho nāthottaro mamaṁ

Tesottamānu bhāvena – māro kāsaṁ labhantu mā

Bhavagghupādāya – avīci heṭṭhato

Etthantare satta kāyūpapannā

Rūpi arūpica asaññi saññino

Dukkhā pamuccantu – phusanti nibbutim

Devo vassatu kālena – sassa sampatti hetu ca

Pīto bhavatu loko ca Rājā bhavatu Dhammiko.

Sugatovāda (Exhortation of the well-fared one)

Appamādena, bhikkhave, sampādetha.

Dullabho Buddhuppādo lokasmiṁ.

Dullabho manussatta-paṭilābho.

Dullabhā khaṇa-sampatti.

Dullabhā pababajjā.

Dullabhaṁ Saddhamma-savanaṁ.

Dullabho sappurisa-saṁsevo.

Ārabhatha nikkhamatha – yuñjatha Buddha-sāsane,

Dhunātha maccuno senaṁ – nalāgāraṁ'va kuñjaro.

Yo imasmiṁ Dhamma-vinaye – appamatto vihessati,

Pahāya jāti saṁsāraṁ – dukkhass'antaṁ karissati.

Paṭicca Samuppāda

Avijjāpaccayā saïkhārā, saïkhārapaccayā viññāõaü,

viññāõapaccayā nāmarūpaü, nāmarūpapaccayā

saëāyatanaü, saëāyatanapaccayā phasso, phassapaccayā

vedanā, vedanāpaccayā taõhā, taõhāpaccayā

upādānaü, upādānapaccayā bhavo, bhavapaccayā jāti,

jātipaccayā jarāmaraõaü sokaparidevadukkhadomanassupāyāsā

sambhavanti. Evametassa kevalassa

dukkhakkhandhassa samudayo hoti.

Avijjāya tveva asesavirāganirodhā saïkhāranirodho,

saïkhāranirodhā viññaõanirodho, viññaõanirodhā

nāmarūpanirodho, nāmarūpanirodhā saëāyatananirodho,

saëāyatananirodhā phassanirodho,

phassanirodhā vedanānirodho, vedanānirodhā

taõhānirodho, taõhānirodhā upādānanirodho,

upādānanirodhā bhavanirodho, bhavanirodhā jātinirodho,

jātinirodhā jarāmaraõaü sokaparidevadukkhadomanassupāyāsā nirujjhanti.

Evametassa kevalassa dukkhakkhandhassa nirodho hotī’ti.

Aneka jāti saṁsāraṁ – sandhāvissaṁ anibbisaṁ

Gahakārakaṁ gavesanto – dukkhā jāti punappunaṁ

Gahakāraka ditthosi puna gehaṁ na kāhasi

Sabbā te phāsuka bhaggā – gahakūṭaṁ visaṁ kitaṁ

Visamkhāra gataṁ cittaṁ taṇhānaṁ khayamajjhagati.

Paṭṭhāna Mātikā Pāṭha

Hetupaccayo, ārammaõapaccayo,

adhipatipaccayo, anantarapaccayo,

samanantarapaccayo, sahajātapaccayo,

aññamaññapaccayo, nissayapaccayo,

upanissayapaccayo, purejātapaccayo,

pacchājātapaccayo, āsevanapaccayo,

kammapaccayo, vipākapaccayo,

āhārapaccayo, indriyapaccayo,

jhānapaccayo, maggapaccayo,

sampayuttapaccayo, vippayuttapaccayo,

atthipaccayo, natthipaccayo,

vigatapaccayo, avigatapaccayoti.

The Buddha Era

Amhākaṁ kho pana Bhagavā Dīpaṁkara pāda mūlato patthāyaṁ, pahama dāna pārami, dutiyaṁ sīla pārami, tatiyaṁ nekkhamma pārami, catutthaṁ pañña pārami, pañcamaṁ viriya pārami chattamaṁ khanti pārami sattamaṁ sacca pārami, aṭṭhamaṁ adhitthāna pārami, navamaṁ mettā pārami, dasamaṁ upekkhā pārami'ti. Dasa pāramiyo, dasa upa pāramiyo dasa paramttha pāramiyo'ti, samatiṁsa pāramiyo pūretvā, Vessantara attabhāve nibbattitvā, pañca mahā paricchāge katvā Tusita pure nibbattitvā catūhi mahādeva rājuhi katāradhanaṁ paticca pañca mahā vilokane viloketvā Suddhodana maha rājānaṁ nissāya Mahā Māyā deviyā kucchismim patisaṇdhiṁ gaṇhitvā, dasamāsaccayena mātu kucchito nikkhamitvā ekūnatiṁsatime, saṁvacchare mahābhinikkhamanaṁ nikkhamitvā chabbassāni mahā padāna padahitvā pañcatisatime saṁvacchare vesākhapuṇṇamiyaṁ sammāsambodhiṁ abhisaṁbhujjhitvā pañca cattālisa saṁvaccharāni vasītvā sappa savacchare vesākhapuṇṇamiyaṁ bhummavāre parinibbāyi.

Tassa kho pana Bhagavato Arahato Sammā Sambuddhassa sāsanam pañca vassa sahassāni pavattissati. Idāni kho pana dve sahassa pañcasata pañca cattālisa saṁvaccharāmi ceva ekna tiṁsati divasāni atikkantāni. Dve sahassa catussata catu paññāsa saṁvaccharāni ceva ekādasa māsāni avasiṭṭhāni. Ayaṁ aja saṁvacchare gimhāṇa utu. Asmiṁ utumhi jeṭṭha māsassa sukka pakkhe paṇṇa rasamaṁ candarāramidanti datthabbam.

Punnanumodana & Devanumodana

Idaü me ñātīnaü hotu, sukhitā hontu ñātayo! (x3)

Ettāvatā ca amhehi,

sambhataü puñña-sampadaü,

sabbe devā anumodantu,

sabba sampatti siddhiyā!

Ettāvatā ca amhehi,

sambhataü puñña-sampadaü,

sabbe bhūtā anumodantu,

sabba sampatti siddhiyā!

Ettāvatā ca amhehi,

sambhataü puñña-sampadaü,

sabbe sattā anumodantu,

sabba sampatti siddhiyā!

Ākāsaññhā ca bhummaññhā,

devā nāgā mahiddhikā,

puññantaü anumoditvā,

ciraü rakkhantu sāsanaü!

Ākāsaññhā ca bhummaññhā,

devā nāgā mahiddhikā,

puññantaü anumoditvā,

ciraü rakkhantu desanaü!

Ākāsaññhā ca bhummaññhā,

devā nāgā mahiddhikā,

puññantaü anumoditvā,

ciraü rakkhantu maü paraü!

Asmīṁ vihāre ca ārāme adhivatthā ca devatā,

Anumoditvā imaṁ puññaṁ rakkhantu Jina-sasanaṁ.

Punnanumodana

Iminā puñña-kammena, mā me bāla-samāgamo,

sataü samāgamo hotu, yāva nibbāna-pattiyā! (x3)

Idaü me puñña-kammaü āsavakkhayāvahaü hotu. (x3)

Sabba dukkha pamuccatu!

Imāya dhammānudhamma-pañipattiyā Buddhaü pūjemi.

Imāya dhammānudhamma-pañipattiyā Dhammaü pūjemi.

Imāya dhammānudhamma-pañipattiyā Saïghaü pūjemi.

Addhā imāya pañipattiyā jāti-jarā-maraõamhā

parimuccissāmi!

Khamayacana

Kāyena vācā cittena, pamādena mayā kataü,

accayaü khama me bhante, bhūri-pañña tathāgata!

Kāyena vācā cittena, pamādena mayā kataü,

accayaü khama me dhamma, sandiññhika akālika!

Kāyena vācā cittena, pamādena mayā kataü,

accayaü khama me saïgha, puññakkhetta anuttara!

Sādhu! Sādhu! Sādhu!

Click here to get: Morning Chanting by Mahathera Ariyadhamma, MP3 files

If there is any error whatever Pali characters or MP3 files are, please kindly inform me.

References: 

1.Buddha Vandanā

2.上座部佛教念誦集
3.Access To Insight